Հաճախ ջինսե տաբատը երկար հագնելու արդյունքում մաշվում է կամ պարզապես հոգնում ես ու չես իմանում՝ ինչպես կարելի է երկրորդ կյանք տալ ջինսե հագուստին: Զաքարյան ջինսերի բլոգը շարունակում է ներկայացնել զգեստապահարանի ամենատարածված հագուստի մասին, և այսօր ևս ունենք լայֆհաքեր ջինսերի մասին:

Ահա մի եղանակ, որի կիրառումը թույլ կտա երկրորդ անգամ օգտագործել տաբատը, որը պատրաստվում էիք դեն նետել: Ջինսե տաբատից շորտեր ստանալու հնարքը գրեթե բոլորը փորձել են: Ենթադրենք՝ այդ հնարքից էլ եք հոգնել: Վերցրեք շորտերը և կտրեք դիմացի հատվածն ամբողջությամբ՝ թողնելով միայն գոտին՝ ինչպես պատկերված է նկարում:

Գոտին ամրացնելով կոճակով՝ կստանաք գրպաններով գոգնոց, որը հատկապես շինարարության կամ այգեգործության ժամանակ շատ պետք կգա, քանի որ կտորը շատ դիմացկուն է:

Եթե ձանձրացել եք հին ջինսերի տեսքից, կարող եք կտորներ ավելացնել ինչպես պատռված ջինսերի անցքերի տակից, այլև կողային կարերի մոտից: Պարզապես պետք է կողային կարը բացել և ներսից կարել եռանկյունաձև վառ կտոր: Արդյունքում և՛ գունային փոփոխություն կստանաք, և՛ կունենաք լրիվ այլ մոդել՝ լայնացով փողքերով տաբատ:

Այցելել եք խանութ, բայց ժամանակ չունե՞ք տաբատը փորձելու: Այս լայֆհաքը հատկապես հիմա է ակտուալ, երբ կորոնավիրուսի հետևանքով շատ խանութներ ժամանակավորապես չեն թույլատրում փորձել հագուստը նախքան գնում կատարելը: Այս դեպքում պարզապես կարող եք ստուգել չափոի համապատասխանությունը նկարում նշված տարբերակով: Եթե ջինսի գոտու երկու ծայրերն իրար չդիպչեն, ապա տաբատը Ձեզ փոքր է:

Եթե ջինսը մեծացել է, տխրել պետք չէ: Նախ, դա նշանակում է, որ նիհարել եք, հետո էլ Ձեզ համար ունենք մի հնարք, որը կօգնի հեշտությամբ փոքրացնել ջինսի գոտկատեղը: Գոտու ետևի մասից կարեք հաստ ռեզին, և տաբատն անմիջապես ավելի կիպ կդառնա:

Շփման արդյունքում ջինսերը երբեմն մաշվում են, և այդ խնդիրը լուծելու համար պարզապես հարկավոր է ունենալ կարի մեքենա և համապատասխան գույնի թել: Միացնում եք կարի մեքենան և շարժում տաբատը գործվածքի ուղղությամբ:

Արդյունքում կստացվի նոր գործվածք, որը կծածկի մաշվածությունը և կերկարացնի ջինսի կյանքը:

Այսքանն էինք պատրաստել այսօրվա համար, իսկ եթե ցանկանում եք իմանալավելին ջինսերի մասին, ընթերցեք նաև լայֆհաքերի առաջին մասը:

Իսկ եթե ցանկանում եք ունենալ հայկական արտադրության այնպիսիջինսեր, որոնք կծառայեն Ձեզ շա՜տ երկար, ապա անպայման աչքի անցկացրեք Զաքարյան ջինսերի նորաձև ու որակյալ տեսականին՝

Ջինսեր տղամարդկանց համար

Ջինսեր կանանց համար